കാനഡയിൽ വിൽക്കുന്ന പ്രമുഖ ബ്രാൻഡ് തേയില വിപണിയിൽ നിന്ന് തിരിച്ചുവിളിക്കുന്നു; അലർജിക്ക് സാധ്യതയെന്ന് മുന്നറിയിപ്പ്

DAVIDsTEA recall

ഒട്ടാവ: കാനഡയിൽ വിൽക്കുന്ന പ്രമുഖ ചായ ബ്രാൻഡായ ‘ഡേവിഡ്‌സ് ടീ’യുടെ (DAVIDsTEA) തേയില ഉൽപ്പന്നം വിപണിയിൽ നിന്ന് തിരിച്ചവിളിക്കുന്നു. പാക്കറ്റിലെ ലേബലിൽ രേഖപ്പെടുത്താത്ത ‘ബദാം’ (Almond) ചായയിൽ അടങ്ങിയിരിക്കാൻ സാധ്യതയുണ്ടെന്ന് കണ്ടെത്തിയതിനെത്തുടർന്നാണ് നടപടി. കനേഡിയൻ ഫുഡ് ഇൻസ്‌പെക്ഷൻ ഏജൻസിയാണ് (CFIA) ഇത് സംബന്ധിച്ച മുന്നറിയിപ്പ് നൽകിയത്.

തിരിച്ചവിളിച്ച ഉൽപ്പന്നത്തിന്റെ വിശദാംശങ്ങൾ താഴെ പറയുന്നവയാണ്:

• ബ്രാൻഡ്: ഡേവിഡ്‌സ് ടീ (DAVIDsTEA)

• ഉൽപ്പന്നം: ഓർഗാനിക് സ്നീസ് ഈസ് ഹെർബൽ ഇൻഫ്യൂഷൻ (Organic Sneeze Ease Herbal Infusion)

• അളവ്: 50 ഗ്രാം

• യുപിസി (UPC) നമ്പർ: 101202100502

• ബാധിക്കപ്പെട്ട കോഡ്: 000CHA831216

സുരക്ഷാ നിർദ്ദേശങ്ങൾ:

ബദാമിനോട് അലർജിയോ സെൻസിറ്റിവിറ്റിയോ ഉള്ളവർ ഈ ചായ ഉപയോഗിക്കരുതെന്ന് സിഎഫ്‌ഐഎ നിർദ്ദേശിച്ചു. ഇത് ഗുരുതരമായ ശാരീരിക പ്രത്യാഘാതങ്ങൾക്കോ ജീവന് തന്നെയോ ഭീഷണിയായേക്കാവുന്ന അലർജി പ്രതിപ്രവർത്തനങ്ങൾക്കോ (Serious or life-threatening reaction) കാരണമായേക്കാം. ഓൺലൈൻ വഴിയാണ് ഈ ഉൽപ്പന്നം പ്രധാനമായും വിതരണം ചെയ്തിരിക്കുന്നത്.

കമ്പനി തന്നെ സ്വമേധയാ ആണ് ഈ വിവരം അധികൃതരെ അറിയിച്ചത്. നിലവിൽ ഈ ചായ ഉപയോഗിച്ചതുമൂലം ആർക്കും ആരോഗ്യപ്രശ്നങ്ങൾ റിപ്പോർട്ട് ചെയ്തിട്ടില്ല. ഉപഭോക്താക്കൾ തങ്ങളുടെ പക്കൽ ഈ പ്രത്യേക കോഡിലുള്ള ഉൽപ്പന്നം ഉണ്ടോ എന്ന് പരിശോധിക്കണമെന്ന് അധികൃതർ ആവശ്യപ്പെട്ടു. വിപണിയിൽ നിന്ന് ഇവ പൂർണ്ണമായും നീക്കം ചെയ്യുന്നുണ്ടെന്ന് ഉറപ്പുവരുത്താൻ സിഎഫ്‌ഐഎ അന്വേഷണം ഊർജ്ജിതമാക്കിയിട്ടുണ്ട്.