GO Train service
ടൊറന്റോ: 2026-ലെ ഫിഫ ലോകകപ്പിന് വേദിയാകുന്ന ടൊറന്റോയിൽ ആരാധകരുടെയും സ്ഥിരം യാത്രക്കാരുടെയും സൗകര്യാർത്ഥം ഗോ (GO) ട്രെയിൻ സർവീസുകൾ വർദ്ധിപ്പിക്കുന്നു. ജൂൺ 10 മുതൽ ജൂലൈ 5 വരെ ലേക്ഷോർ ഈസ്റ്റ്, വെസ്റ്റ് ലൈനുകളിൽ ഓരോ 15 മിനിറ്റിലും സർവീസ് ലഭ്യമാകുമെന്ന് മെട്രോലിങ്ക്സ് അറിയിച്ചു.
More soccer, more people, more service.
As FIFA World Cup 2026™️ hits the city this summer, we’re increasing service to keep fans and commuters moving across the region.
From June 10 to July 5, enjoy 15-minute service on Lakeshore West and Lakeshore East lines throughout most… pic.twitter.com/u3CQwjcQXz
— Metrolinx (@Metrolinx) May 8, 2026
ജൂൺ 10 മുതൽ ജൂലൈ 5 വരെ ഗ്രേറ്റർ ടൊറന്റോ ഏരിയയിലെ യാത്രക്കാർക്കായി വിപുലമായ സേവനങ്ങളാണ് മെട്രോലിങ്ക്സ് ഒരുക്കുന്നത്. ടൊറന്റോയിൽ ആറ് മത്സരങ്ങൾ നടക്കുന്ന ദിവസങ്ങളിൽ എക്സിബിഷൻ ഗോ സ്റ്റേഷനിലേക്ക് കൂടുതൽ സർവീസുകൾ ഉണ്ടാകും. ഈ കാലയളവിൽ ആഴ്ചയിൽ ഏകദേശം 3,000 ഗോ ട്രെയിൻ സർവീസുകൾ ലഭ്യമാകും, ഇത് കഴിഞ്ഞ ശൈത്യകാലത്തെ അപേക്ഷിച്ച് 30 ശതമാനം വർദ്ധനവാണ്. വൈകിട്ടുള്ള വിമാനയാത്രക്കാർക്കായി യുപി എക്സ്പ്രസ് പ്രവർത്തന സമയം നീട്ടുന്നതിനൊപ്പം ടൂറിസ്റ്റുകൾക്കായി നയാഗ്ര വെള്ളച്ചാട്ടത്തിലേക്കുള്ള ഗോ ബസ് സർവീസുകളും വർദ്ധിപ്പിച്ചിട്ടുണ്ട്. ലേക്ഷോർ വെസ്റ്റ് ലൈനിൽ എക്സിബിഷൻ ഗോയ്ക്കും യൂണിയൻ സ്റ്റേഷനും ഇടയിൽ മണിക്കൂറിൽ ആറ് ട്രെയിനുകൾ വരെ സർവീസ് നടത്തുന്നതിലൂടെ ഗതാഗതക്കുരുക്കില്ലാതെ ആരാധകർക്ക് സ്റ്റേഡിത്തിലെത്താൻ സാധിക്കും. ജൂലൈ 6 മുതൽ സാധാരണ ഗോ ട്രെയിൻ, യുപി എക്സ്പ്രസ് സർവീസുകൾ പുനരാരംഭിക്കും.
ടൊറന്റോയിലെ ലോകകപ്പ് മത്സരങ്ങൾ (ഗ്രൂപ്പ് ഘട്ടം):
-
ജൂൺ 12: കാനഡ vs ബോസ്നിയ ഹെർസഗോവിന (3 PM)
-
ജൂൺ 17: ഘാന vs പനാമ (7 PM)
-
ജൂൺ 20: ജർമ്മനി vs ഐവറി കോസ്റ്റ് (4 PM)
-
ജൂൺ 23: ക്രൊയേഷ്യ vs പനാമ (7 PM)
-
ജൂൺ 26: സെനഗൽ vs ഇറാഖ് (3 PM)
-
ജൂലൈ 2: റൗണ്ട് ഓഫ് 32 മത്സരം (7 PM)
അഞ്ച് ലക്ഷത്തോളം അധികം യാത്രക്കാരെയാണ് ലോകകപ്പ് സമയത്ത് മെട്രോലിങ്ക്സ് പ്രതീക്ഷിക്കുന്നത്. തിരക്ക് ഒഴിവാക്കാനായി യാത്രക്കാർ നേരത്തെ പ്ലാൻ ചെയ്യണമെന്നും പ്രെസ്റ്റോ (PRESTO) കാർഡുകൾ ഉപയോഗിക്കണമെന്നും അധികൃതർ നിർദ്ദേശിച്ചു. ലോകകപ്പ് മത്സരങ്ങൾക്ക് ടൊറന്റോ സ്റ്റേഡിയവും ഫാൻ ഫെസ്റ്റിവലിന് ഫോർട്ട് യോർക്കും വേദിയാകും.
