കാനഡയിലെ ബ്രിട്ടീഷ് കൊളംബിയ ആസ്ഥാനമായി പ്രവർത്തിക്കുന്ന റോക്കി മൗണ്ടൻ ബസ് ലൈൻസ് (Rocky Mountain Bus Lines) എൽക്ഫോർഡ് മേഖലയിൽ ബസ് ഡ്രൈവർമാരെ നിയമിക്കുന്നു. തിരഞ്ഞെക്കപ്പെടുന്നവർക്ക് മണിക്കൂറിൽ 32 ഡോളർ വേതനവും താമസ സൗകര്യവും ഉൾപ്പെടെയുള്ള ആനുകൂല്യങ്ങൾ കമ്പനി വാഗ്ദാനം ചെയ്യുന്നുണ്ട്.
ബ്രിട്ടീഷ് കൊളംബിയയിലെ എൽക്ഫോർഡിലേക്ക് താമസം മാറാൻ തയ്യാറുള്ള ഉദ്യോഗാർത്ഥികളെയാണ് കമ്പനി പ്രധാനമായും പരിഗണിക്കുന്നത്. ക്ലാസ് 1 അല്ലെങ്കിൽ ക്ലാസ് 2 ഡ്രൈവിംഗ് ലൈസൻസ് ഉള്ളവർക്ക് ഈ തസ്തികയിലേക്ക് അപേക്ഷിക്കാവുന്നതാണ്. 12 ദിവസത്തെ ജോലിക്ക് ശേഷം 4 ദിവസത്തെ വിശ്രമം എന്ന രീതിയിലാണ് ഷിഫ്റ്റുകൾ ക്രമീകരിച്ചിരിക്കുന്നത്. സ്പ്ലിറ്റ് ഷിഫ്റ്റ് രീതിയിൽ രാവിലെ 5 മുതൽ 9 വരെയും വൈകുന്നേരം 5 മുതൽ 9 വരെയുമാണ് പ്രവൃത്തി സമയം. പ്രതിദിനം കുറഞ്ഞത് 7 മണിക്കൂർ ജോലി ഉറപ്പാക്കുന്നതിനൊപ്പം ഓവർടൈം (OT) ചെയ്യാനുള്ള അവസരവുമുണ്ടാകും.
സാമ്പത്തിക ആനുകൂല്യങ്ങളുടെ കാര്യത്തിൽ മികച്ച വാഗ്ദാനങ്ങളാണ് കമ്പനി മുന്നോട്ട് വെക്കുന്നത്. ജോലിയിൽ പ്രവേശിച്ച് ആറ് മാസം തികയുമ്പോൾ 4000 ഡോളർ സൈനിംഗ് ബോണസായി ലഭിക്കും. കൂടാതെ, ആദ്യ മൂന്ന് വർഷങ്ങളിൽ ഓരോ ആറ് മാസം കൂടുമ്പോഴും കൃത്യമായ ശമ്പള വർദ്ധനവും ലഭിക്കുന്നതാണ്. മൂന്ന് മാസത്തെ സേവനത്തിന് ശേഷം ഉദ്യോഗാർത്ഥികൾക്ക് കമ്പനിയുടെ ഇൻഷുറൻസ് ആനുകൂല്യങ്ങൾക്കും അർഹതയുണ്ടാകും; ഇതിനായി ജീവനക്കാർ പ്രതിമാസ പ്രീമിയം തുക നൽകേണ്ടതില്ല എന്ന പ്രത്യേകതയുമുണ്ട്.
പുതിയതായി എത്തുന്നവർക്ക് എൽക്ഫോർഡിൽ സ്വന്തമായി താമസസൗകര്യം കണ്ടെത്തുന്നത് വരെ, മൂന്ന് മാസം കാലയളവിലേക്ക് കമ്പനി താമസസൗകര്യം ഒരുക്കുന്നതാണ്. അപേക്ഷിക്കുന്നവർ തങ്ങളുടെ ഏറ്റവും പുതിയ ഡ്രൈവിംഗ് അബ്സ്ട്രാക്റ്റും (Driver’s Abstract) ക്രിമിനൽ റെക്കോർഡ് ചെക്കും ഹാജരാക്കേണ്ടതുണ്ട്. താല്പര്യമുള്ള ഉദ്യോഗാർത്ഥികൾ തങ്ങളുടെ ബയോഡാറ്റ Hesket@rockymtnbus.ca എന്ന ഇമെയിൽ വിലാസത്തിലേക്ക് അയക്കേണ്ടതാണ്.
