Canada government benefit payments dates 2026
ടൊറന്റോ: കാനഡയിലെ വർദ്ധിച്ചുവരുന്ന ജീവിതച്ചെലവുകൾ നേരിടാൻ ജനങ്ങൾക്ക് ആശ്വാസമായി 2026-ന്റെ രണ്ടാം പകുതിയിലെ വിവിധ സർക്കാർ ആനുകൂല്യങ്ങളുടെ വിവരങ്ങൾ പുറത്തുവിട്ടു. ഈ വർഷത്തെ വേനൽക്കാലം മുതൽ അവധിക്കാലം വരെയുള്ള മാസങ്ങളിൽ അർഹരായ കനേഡിയൻ കുടുംബങ്ങളിലേക്ക് തുകകൾ എത്തിച്ചേരും. പ്രധാന ആനുകൂല്യങ്ങളും അവ ലഭിക്കുന്ന തീയതികളും താഴെ നൽകുന്നു:
കാനഡ സർക്കാർ ആനുകൂല്യങ്ങൾ 2026
1. കാനഡ ഗ്രോസറി ആൻഡ് എസൻഷ്യൽസ് ബെനഫിറ്റ് (New Benefit): കുറഞ്ഞ വരുമാനമുള്ളവരെ സഹായിക്കാൻ ഫെഡറൽ സർക്കാർ പുതുതായി അവതരിപ്പിച്ച പദ്ധതിയാണിത്.
-
വൺ-ടൈം ടോപ്പ്-അപ്പ്: ജൂൺ മാസത്തിൽ അർഹരായവർക്ക് അവരുടെ വാർഷിക GST/HST ക്രെഡിറ്റിന്റെ 50 ശതമാനം തുക ഒറ്റത്തവണയായി (Lump-sum) ലഭിക്കും. നാലംഗങ്ങളുള്ള ഒരു കുടുംബത്തിന് ഏകദേശം 533 ഡോളറും സിംഗിൾ ആയവർക്ക് 266 ഡോളറും ലഭിക്കും.
-
തുടർ പേയ്മെന്റുകൾ: 2026 ജൂലൈ മുതൽ ഈ ആനുകൂല്യത്തിൽ 25 ശതമാനം വർദ്ധനവ് വരും. അടുത്ത അഞ്ച് വർഷത്തേക്ക് ഇത് ജൂലൈ, ഒക്ടോബർ, ജനുവരി, ഏപ്രിൽ മാസങ്ങളിലായി ത്രൈമാസ അടിസ്ഥാനത്തിൽ വിതരണം ചെയ്യും.
2. കാനഡ ചൈൽഡ് ബെനഫിറ്റ് (CCB): 18 വയസ്സിന് താഴെയുള്ള കുട്ടികളുള്ള അർഹരായ കുടുംബങ്ങൾക്ക് ലഭിക്കുന്ന നികുതിരഹിത പ്രതിമാസ സഹായമാണിത്. ഒന്റാറിയോ ചൈൽഡ് ബെനഫിറ്റ് (OCB) വഴി കുട്ടി ഒന്നിന് പ്രതിവർഷം 1,607 ഡോളർ വരെ അധികമായും ലഭിക്കും.
-
പേയ്മെന്റ് തീയതികൾ: ജൂൺ 19, ജൂലൈ 20, ഓഗസ്റ്റ് 20, സെപ്റ്റംബർ 18, ഒക്ട 20, നവംബർ 20, ഡിസംബർ 11.
3. സിപിപി, ഒഎഎസ് പെൻഷനുകൾ (CPP & OAS):
-
CPP: 65 വയസ്സിന് മുകളിലുള്ളവർക്ക് പരമാവധി പ്രതിമാസം 1,433 ഡോളർ വരെ ലഭിക്കും.
-
OAS: 65 മുതൽ 74 വയസ്സ് വരെയുള്ളവർക്ക് പ്രതിമാസം 707.67 ഡോളർ വരെയും, 75 വയസ്സിന് മുകളിലുള്ളവർക്ക് 899.67 ഡോളർ വരെയും ലഭിക്കും. ജീവിതച്ചെലവ് സൂചിക അടിസ്ഥാനമാക്കി ഒക്ടോബറിൽ ഇതിൽ മാറ്റങ്ങൾ വരാം.
-
പേയ്മെന്റ് തീയതികൾ: ജൂൺ 26, ജൂലൈ 29, ഓഗസ്റ്റ് 27, സെപ്റ്റംബർ 25, ഒക്ട 28, നവംബർ 26, ഡിസംബർ 22.
4. ജിഎസ്ടി/എച്ച്എസ്ടി റീഫണ്ട് (GST/HST Credit): കുറഞ്ഞ വരുമാനക്കാരായ വ്യക്തികൾക്കും കുടുംബങ്ങൾക്കും ത്രൈമാസ അടിസ്ഥാനത്തിൽ ലഭിക്കുന്ന തുകയാണിത്.
-
അടുത്ത പേയ്മെന്റുകൾ: ജൂലൈ 3, ഒക്ടോബർ 5.
5. ഒന്റാറിയോ ട്രില്യൺ ബെനഫിറ്റ് (OTB): ഊർജ്ജ ചെലവുകൾ, പ്രോപ്പർട്ടി ടാക്സ്, സെയിൽസ് ടാക്സ് ക്രെഡിറ്റ് എന്നിവ ഉൾപ്പെടുന്നതാണിത്.
-
പേയ്മെന്റ് തീയതികൾ: ജൂൺ 10, ജൂലൈ 10, ഓഗസ്റ്റ് 10, സെപ്റ്റംബർ 10, ഒക്ട 9, നവംബർ 10, ഡിസംബർ 10.
6. അഡ്വാൻസ്ഡ് കാനഡ വർക്കേഴ്സ് ബെനഫിറ്റ് (ACWB): കുറഞ്ഞ വരുമാനമുള്ള ജീവനക്കാർക്ക് ലഭിക്കുന്ന നികുതി ക്രെഡിറ്റാണിത്. വ്യക്തികൾക്ക് പരമാവധി 1,428 ഡോളറും കുടുംബങ്ങൾക്ക് 2,461 ഡോളറും അടിസ്ഥാന തുകയായി ലഭിക്കും.
-
അടുത്ത പേയ്മെന്റുകൾ: ജൂലൈ 10, ഒക്ടോബർ 9.
7. കാനഡ ഡിസബിലിറ്റി ബെനഫിറ്റ് (CDB): 18 മുതൽ 64 വയസ്സ് വരെയുള്ള ഭിന്നശേഷിക്കാർക്ക് ലഭിക്കുന്ന പ്രതിമാസ സഹായമാണിത്. പരമാവധി പ്രതിമാസം 200 ഡോളർ വരെയാണ് ലഭിക്കുക.
-
പേയ്മെന്റ് തീയതികൾ: ജൂൺ 18, ജൂലൈ 20, ഓഗസ്റ്റ് 20, സെപ്റ്റംബർ 17, ഒക്ട 15, നവംബർ 19, ഡിസംബർ 17.
8. വെറ്ററൻ ഡിസബിലിറ്റി പെൻഷൻ: അംഗപരിമിതരായ സേനാംഗങ്ങൾക്കുള്ള നികുതിരഹിത സഹായമാണിത്.
-
പേയ്മെന്റ് തീയതികൾ: ജൂൺ 27, ജൂലൈ 30, ഓഗസ്റ്റ് 28, സെപ്റ്റംബർ 26, ഒക്ട 30, നവംബർ 27, ഡിസംബർ 23.
ഈ ആനുകൂല്യങ്ങൾ കൃത്യമായി ബാങ്ക് അക്കൗണ്ടുകളിൽ എത്തിച്ചേരുന്നതിനായി ഗുണഭോക്താക്കൾ തങ്ങളുടെ 2024, 2025 വർഷങ്ങളിലെ വരുമാന നികുതി റിട്ടേണുകൾ (Tax Returns) കൃത്യമായി ഫയൽ ചെയ്തിരിക്കണമെന്ന് കാനഡ റവന്യൂ ഏജൻസി ഓർമ്മിപ്പിച്ചു.
